முதலாமிடத்துக்கு முன்னேறிய ரஷீட்

சர்வதேச கிரிக்கெட் சபையின் இருபதுக்கு - 20 சர்வதேசப் போட்டிகளுக்கான பந்துவீச்சாளர்களின் தரவரிசையில் முதலாமிடத்துக்கு இங்கிலாந்தின் அடில் ரஷீட் முன்னேறியுள்ளார்.

இந்தியாவுக்கெதிரான முதல் மூன்று போட்டிகளிலும் 3 விக்கெட்டுகளைக் கைப்பற்றிய ரஷீட், இரண்டாமிடத்திலிருந்து ஓரிடம் முன்னேறி முதலாமிடத்தையடைந்துள்ளார்.

இதேவேளை இப்போட்டிகளில் 10 விக்கெட்டுகளைக் கைப்பற்றிய இந்தியாவின் வருண் சக்கரவர்த்தி, 30ஆம் இடத்திலிருந்து 25 இடங்கள் முன்னேறி ஐந்தாமிடத்தையடைந்துள்ளார்.

இந்நிலையில் இப்போட்டிகளில் 5 விக்கெட்டுகளைக் கைப்பற்றிய இங்கிலாந்தின் ஜொஃப்ரா ஆர்ச்சர், 19ஆம் இடத்திலிருந்து 13 இடங்கள் முன்னேறி ஆறாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. அடில் ரஷீட், 2. அகீல் ஹொஸைன், 3. வனிது ஹசரங்க, 4. அடம் ஸாம்பா, 5. வருண் சக்கரவர்த்தி, 6. ஜொஃப்ரா ஆர்ச்சர், 7. மகேஷ் தீக்‌ஷன, 8. ரஷீட் கான், அர்ஷ்டீப் சிங், 10. ரவி பிஷ்னோய்.

இதேவேளை துடுப்பாட்டவீரர்களுக்கான தரவரிசையில் இப்போட்டிகளில் 109 ஓட்டங்களைப் பெற்ற இந்தியாவின் திலக் வர்மா, மூன்றாமிடத்திலிருந்து ஓரிடம் முன்னேறி இரண்டாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ட்ரெவிஸ் ஹெட், 2. திலக் வர்மா, 3. பில் ஸோல்ட், 4. சூரியகுமார் யாதவ், 5. ஜொஸ் பட்லர், 6. பாபர் அஸாம், 7. பதும் நிஸங்க, 8. மொஹமட் றிஸ்வான், 9. யஷஸ்வி ஜைஸ்வால், 10. குசல் பெரேரா.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. டிபேந்திர சிங்க் ஐரீ, 3. லியம் லிவிங்ஸ்டோன், 4. மார்க்கஸ் ஸ்டொய்னிஸ், 5. மொஹமட் நபி.

இந்நிலையில் மேற்கிந்தியத் தீவுகளுக்கெதிரான இரண்டாவது டெஸ்டில் 10 விக்கெட்டுகளைக் கைப்பற்றிய பாகிஸ்தானின் நொமன் அலி, பந்துவீச்சாளர்களின் தரவரிசையில் ஒன்பதாமிடத்திலிருந்து நான்கு இடங்கள் முன்னேறி ஐந்தாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. பற் கமின்ஸ், 3. ககிஸோ றபாடா, 4. ஜொஷ் ஹேசில்வூட், 5. நொமன் அலி, 6. மார்கோ ஜன்சன், 7. மற் ஹென்றி, 8. நேதன் லையன், 9. பிரபாத் ஜெயசூரிய, 10. இரவீந்திர ஜடேஜா.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. ஹரி ப்றூக், 3. கேன் வில்லியம்சன், 4. யஷஸ்வி ஜைஸ்வால், 5. ட்ரெவிஸ் ஹெட், 6. தெம்பா பவுமா, 7. கமிந்து மென்டிஸ், 8. ஸ்டீவன் ஸ்மித், 9. றிஷப் பண்ட், செளட் ஷகீல்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மார்கோ ஜன்சன், 3. மெஹிடி ஹஸன், 4. பற் கமின்ஸ், 5. ஷகிப் அல் ஹஸன்.