மே. தீவுகள் குழாமில் ஹோப், ருதஃபோர்ட், ஹொஸைன் இல்லை

ஆப்கானிஸ்தானுக்கெதிரான இருபதுக்கு – 20 சர்வதேசப் போட்டித் தொடருக்கான மேற்கிந்தியத் தீவுகளின் குழாமில் அணித்தலைவர் ஷாய் ஹோப், றொஸ்டன் சேஸ், அகீல் ஹொஸைன், ஷெர்ஃபேன் ருதஃபோர்ட் ஆகியோர் இடம்பெறவில்லை. இவர்கள் எஸ்.ஏ20 லீக்கில் பங்குபற்றுவதன் காரணமாக குழாமில் இடம்பெறவில்லை.

அந்தவகையில் பிரண்டன் கிங் அணிக்குத் தலைமை தாங்கவுள்ளார்.

இதேவேளை றொவ்மன் பவல், ஜேஸன் ஹோல்டர், றொமாரியோ ஷெஃப்பர்ட் ஆகியோருக்கு இத்தொடரில் ஓய்வளிக்கப்பட்டுள்ளது.

குழாம்: பிரெண்டன் கிங் (அணித்தலைவர்), அலிக் அதனஸே, கேசி கார்ட்டி, ஜோன்சன் சார்ள்ஸ், மத்தியூ போர்டே, ஜஸ்டின் கிறேவ்ஸ், ஷிம்ரோன் ஹெட்மயர், அமிர் ஜாங்கூ, ஷாமர் ஜோசப், எவின் லூயிஸ், குடகேஷ் மோட்டி, காரி பியர், குயென்டின் சாம்சன், ஜேடன் சியல்ஸ், றமொன் சிமொன்ட்ஸ், ஷாமர் ஸ்பிறிங்கர்.