யூரோப்பா லீக்: சம்பியனான அத்லாண்டா

ஐரோப்பிய கால்பந்தாட்டச் சங்கங்களின் ஒன்றியத்தின் யூரோப்பா லீக் தொடரில் இத்தாலிய சீரி ஏ கழகமான அத்லாண்டா சம்பியனானது.

அயர்லாந்தில் வியாழக்கிழமை (23) நடைபெற்ற ஜேர்மனிய புண்டெஸ்லிகா கழகமான பயெர் லெவர்குசனுடனான இறுதிப் போட்டியில் 3-0 என்ற கோல் கணக்கில் வென்றே அத்லாண்டா சம்பியனானது.

அத்லாண்டா சார்பாகப் பெறப்பட்ட மூன்று கோல்களையும் அடெமோலா லுக்மன் பெற்றிருந்தார்.

இப்போட்டியில் தோற்றதன் மூலம் அதிக போட்டிகளில் தொடர்ந்து தோல்வியைச் சந்திக்காத கழகம் என்ற லெவர்குசனின் 51 போட்டிகள் சாதனை முடிவுக்கு வந்தது.