றிச்சி பேனருக்கு நாணயத்தால் கௌரவம்

கிரிக்கெட்டின் குரல் என அழைக்கப்படும் முன்னாள் நேர்முக வர்ணனையாளரும் அவுஸ்திரேலியாவின் முன்னாள் தலைவருமான றிச்சி பேனரைக் கௌரவித்து, 50 சத நாணயக்குற்றி ஒன்றை, அவுஸ்திரேலியா வெளியிடவுள்ளது.

கடந்தாண்டு தனது 84ஆவது வயதில், றிச்சி பேனர் காலமாகியிருந்தார். இந்நிலையிலேயே, பேனரின் மனைவியின் அனுமதியோடு, இந்த நாணயக்குற்றி வெளியிடப்பட்டுள்ளது. இந்த நாணயங்கள், 95,929 மாத்திரமே வெளியிடப்படும் எனவும் அறிவிக்கப்படுகிறது.

உலகில் தோன்றிய தலைசிறந்த துடுப்பாட்ட வீரராக ஏற்றுக் கொள்ளப்படும் டொன் பிரட்மனுக்குப் பின்னர், நாணயக்குற்றி மூலம் கௌரவிக்கப்படும் இரண்டாவது அவுஸ்திரேலிய கிரிக்கெட் வீரர், றிச்சி பேனர் ஆவார்.