றியல் மட்ரிட் செல்லும் பெர்ணாண்டஸ்

இங்கிலாந்து பிறீமியர் லீக் கால்பந்தாட்டக் கழகமான மன்செஸ்டர் யுனைட்டெட்டின் அணித்தலைவரான புரூனோ பெர்ணாண்டஸைக் கைச்சாத்திட ஸ்பானிய லா லிகா கழகமான றியல் மட்ரிட் எதிர்பார்த்துள்ளதாகக் கூறப்படுகிறது.

தமது அணித்தலைவர் லூகா மோட்ரிச்சுக்கான பிரதியீடாக மத்தியகளவீரரான பெர்ணாண்டஸை றியல் மட்ரிட் நோக்குவதாகக் கூறப்படுகிறது.

எதிர்வரும் 2026ஆம் ஆண்டு சர்வதேச கால்பந்தாட்ட சம்மேளன உலகக் கிண்ணத் தொடரைத் தொடர்ந்து றியல் மட்ரிட்டை விட்டு மத்தியகளவீரான மோட்ரிச் வெளியேறுவாரென எதிர்பார்க்கப்படுகிறது.

யுனைட்டெட்டுடன் 2027ஆம் ஆண்டு வரையும், அதை ஓராண்டால் நீடிக்கக்கூடிய ஒப்பந்தத்தில் 30 வயதான பெர்ணாண்டஸ் உள்ளாரென்பது குறிப்பிடத்தக்கது.