லிவர்பூலை வென்ற யுனைட்டெட்

இங்கிலாந்து கால்பந்தாட்டக் கழகங்களுக்கு இடையிலான பிறீமியர் லீக் தொடரில், தமது மைதானத்தில் நேற்று அதிகாலை நடைபெற்ற லிவர்பூலுடனான போட்டியில் 2-1 என்ற கோல் கணக்கில் மன்செஸ்டர் யுனைட்டெட் வென்றது.

யுனைட்டெட் சார்பாக, ஜடோன் சஞ்சோ, மார்க்கஸ் றஷ்ஃபோர்ட் ஆகியோர் தலா ஒவ்வொரு கோலைப் பெற்றதுடன், லிவர்பூல் சார்பாகப் பெறப்பட்ட கோலை மொஹமட் சாலா பெற்றார்.

இப்போட்டியை யுனைட்டெட்டின் நட்சத்திர முன்களவீரரான கிறிஸ்டியானோ ரொனால்டோ, அணித்தலைவர் ஹரி மக்குவாயா ஆகியோர் ஆரம்பித்திருக்கவில்லை என்பது குறிப்பிடத்தக்கது.