வில்லாவை வென்ற சிற்றி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், தமது மைதானத்தில் புதன்கிழமை (23) நடைபெற்ற அஸ்தன் வில்லாவுடனான போட்டியில் 2-1 என்ற கோல் கணக்கில் நடப்புச் சம்பியன்களான மன்செஸ்டர் சிற்றி வென்றது.  

சிற்றி சார்பாக பெர்ணார்டோ சில்வா, மத்தெயுஸ் நுனேஸ் ஆகியோர் தலா ஒவ்வொரு கோலைப் பெற்றதோடு, வில்லா சார்பாகப் பெறப்பட்ட கோலை மார்க்கஸ் றஷ்ஃபோர்ட் பெற்றிருந்தார்.  

பிறீமியர் லீக் புள்ளிகள் பட்டியலில் 79 புள்ளிகளுடன் முதலாமிடத்தில் லிவர்பூல் உள்ளது. 66 புள்ளிகளுடன் இரண்டாமிடத்தில் ஆர்சனலும், 61 புள்ளிகளுடன் மூன்றாமிடத்தில் சிற்றியும், 60 புள்ளிகளுடன் நான்காமிடத்தில் நொட்டிங்ஹாம் பொரெஸ்டும் காணப்படுகின்றன.