வெளியேறுவதை உறுதி செய்த டொன்னருமா

பிரெஞ்சு லீக் 1 கால்பந்தாட்டக் கழகமான பரிஸ் ஸா ஜெர்மைனிலிருந்து தான் உடனடியாக வெளியேறுவதை அக்கழகத்தின் கோல் காப்பாளர் ஜல்லூயிஜி டொன்னருமா உறுதிப்படுத்தியுள்ளார்.

பரிஸ் ஸா ஜெர்மைனின் முகாமையாளர் லூயிஸ் என்றிக்கேயால் குழாமிலிருந்து நீக்கப்பட்டதையடுத்தே தான் வெளியேறுவதை 26 வயதான டொன்னருமா உறுதிப்படுத்தியுள்ளார்.

ஐரோப்பிய கால்பந்தாட்டச் சங்கங்களின் ஒன்றியத்தின் சுப்பர் கிண்ணப் போட்டிக்கான குழாமிலிருந்து டொன்னருமாவை என்றிக்கே நீக்கியிருந்தார்.

கழகத்தில் 2021ஆம் ஆண்டு டொன்னருமா இணைந்திருந்தார்.

இன்னொரு லீக் 1 கழகமான லில்லியின் கோல் காப்பாளர் லூகாஸ் செவலியரை கடந்த வாரம் பரிஸ் ஸா ஜெர்மைன் கைச்சாத்திட்டிருந்தது.