ஸ்டோக்ஸை அணித்தலைவராக முன்மொழியும் மோர்கன்

மட்டுப்படுத்தப்பட்ட ஓவர்களைக் கொண்ட போட்டிகளுக்கான புதிய தலைமைத்துவத்தில் இங்கிலாந்து புதியதொரு வழியை தேர்ந்தெடுத்து டெஸ்ட் போட்டிகளுக்கான அணித்தலைவர் பென் ஸ்டோக்ஸை முக்கிய தொடர்களில் அணித்தலைமைப் பொறுப்பை வழங்கலாமென இங்கிலாந்தின் முன்னாள் அணித்தலைவர் ஒய்ன் மோர்கன் தெரிவித்துள்ளார்.

ஸ்டோக்ஸின் உப அணித்தலைவர் பெரும்பாலான இரு தரப்புத் தொடர்களுக்கு தலைமை தாங்கலாமென்றும், உலகக் கிண்ணங்களுக்கு ஸ்டோக்ஸ் தலைமை தாங்கலாமெனவும் மோர்கன் கூறியுள்ளார்.

முன்னதாக ஸ்டோக்ஸை மட்டுப்படுத்தப்பட்ட ஓவர்கள் கொண்ட போட்டிகளுக்கான தலைமைத்துவத்திற்கு கருத்திற் கொள்ளாமல் விடுவது முட்டாள்தனமெனக் கூறியுள்ளார்.
கடந்த 2023ஆம் ஆண்டு சர்வதேச கிரிக்கெட் சபையின் உலகக் கிண்ணத் தொடரைத் தொடர்ந்து இங்கிலாந்துக்காக மட்டுப்படுத்தப்பட்ட ஓவர்கள் கொண்ட போட்டிகளில் ஸ்டோக்ஸ் விளையாடவில்லையென்பது குறிப்பிடத்தக்கது.

இதேவேளை இங்கிலாந்தின் மட்டுப்படுத்தப்பட்ட ஓவர்கள் கொண போட்டிகளுக்கான் அணித்தலைமைப் போட்டியிலிருந்து முன்னாள் அணித்தலைவர் ஜோ றூட் ஏற்கெனவே விலகியுள்ளார்.