ஸ்பானிய லா லிகா தொடர்: ஒஸஸுனாவிடம் தோற்ற மட்ரிட்

ஸ்பானிய லா லிகா தொடரில், ஒஸஸுனாவின் மைதானத்தில் சனிக்கிழமை (21) நடைபெற்ற அவ்வணியுடனான போட்டியில் 1-2 என்ற கோல் கணக்கில் றியல் மட்ரிட் தோற்றது.

மட்ரிட் சார்பாகப் பெறப்பட்ட கோலை வினிஷியஸ் ஜூனியர் பெற்றதோடு, ஒஸஸுனா சார்பாக அன்டே புடுமிர், றாவுல் கர்சியா ஆகியோர் தலா ஒவ்வொரு கோலைப் பெற்றனர்.

லா லிகா புள்ளிகள் பட்டியலில் 60 புள்ளிகளுடன் முதலாமிடத்தில் றியல் மட்ரிட் உள்ளது. 58 புள்ளிகளுடன் இரண்டாமிடத்தில் நடப்புச் சம்பியன்களான பார்சிலோனா உள்ளது. தலா 48 புள்ளிகளுடன் உள்ளபோதும் தமக்கிடையேயான போட்டி முடிவுகளால் மூன்றாம், நான்காமிடங்களில் முறையே வில்லாறியல், அத்லெட்டிகோ மட்ரிட் ஆகியன காணப்படுகின்றன. இதில் பார்சிலோனாவும், வில்லாறியலும் மற்றைய அணிகளை விட ஒரு போட்டி குறைவாக விளையாடியுள்ளன.