மட்டக்களப்பில் ஒருவர் சுட்டுக்கொலை

(கே.எஸ்.வதனகுமார்,ஜிப்ரான்,அதிரன்)

மட்டக்களப்பு ஆனைப்பந்தி பிள்ளையார் கோவில் பரிபாலன சபை செயலாளர்  இராசமாணிக்கம் மதியழகன் (38) இன்று பகல் சுட்டுகொல்லப்பட்டுள்ளார்.
 
மட்டக்களப்பு, கல்லடித்தெரு வாவிக்கரை  - 2 இலுள்ள அவரது வீட்டிற்கு மோட்டார் சைக்கிளில் சென்ற இனந்தெரியாத நபர்கள் இருவர் மதியழகனை  சுட்டுக்கொன்றுவிட்டு தப்பிச்சென்றுள்ளதாக பொலிஸார் தெரிவித்துள்ளனர்.

இவர் மீள்குடியேற்ற பிரதியமைச்சர் விநாயகமூர்த்தி முரளிதரனின் இணைப்பாளர்களில் ஒருவராவார்.

இவரது சடலம் மட்டக்களப்பு வைத்தியசாலையில் வைக்கப்பட்டுள்ளது.

அவர் கடந்த 3 வருடங்களுக்கு முன்னர்  இனந்தெரியாதோரின் துப்பாக்கிச் சூட்டுக்கு இலக்காகி முள்ளந்தண்டு பாதிக்கப்பட்டு சக்கர நாற்காலி மூலம் நடமாடி வந்தார். (படங்கள்: சுக்ரி)