கைக்குழந்தையை பயன்படுத்தி கொள்ளைச் சம்பவங்களில் ஈடுபட்ட தம்பதி கைது

 (ஜிப்ரான்)

தமது கைக்குழந்தையை பயன்படுத்தி நீண்டநாட்களாக கொள்ளைச் சம்பவங்களில் ஈடுபட்டு வந்ததாகத் தெரிவிக்கப்படும் கணவனையும் மனைவியையும்  களுவாஞ்சிக்குடி பொலிஸார் கைதுசெய்துள்ளனர்.

குறித்த சந்தேக நபர்களிடமிருந்து 3 கையடக்கத் தொலைபேசிகளும் அவற்றுக்கான  சிம் அட்டைகளும் 26 பவுண் தங்கநகைகளும் 3 கையடக்கத்தொலைபேசிகளும் பறிமுதல் செய்யப்பட்டுள்ளதாக  பொலிஸ் நிலைய பொறுப்பதிகாரி பி.ஆர்.மானவடு தெரிவித்தார்.

மட்டக்களப்பு, திருகோணமலை, திருக்கோயில், மன்னார் உட்பட நாட்டின் 9 பகுதிகளிலுள்ள வீடுகளில் கைக்குழந்தையுடன் வீட்டில் சில நாட்களுக்கு வீட்டில் தங்குவதற்கான அனுமதி கேட்டு பின்னர்  குறித்த வீட்டுக்காரர்களை ஏமாற்றி  அவ்வீடுகளிலுள்ள தங்கநகைகளையும் கொள்ளையிடுவதில் ஈடுபட்டு வந்துள்ளனர்.  சந்தேக நபர்கள் கல்லடியில் கைது சய்யப்பட்டுள்ளனர். சந்தேக நபர்களிடம் பொலிஸார் விசாரணைகளை மேற்கொண்டு வருகின்றனர்.