அரச ஊழியர்களுக்கு பயிற்சி

-எஸ்.பாக்கியநாதன்

பொருட்களின் பெறுகை, சேவைகள் மற்றும் வேலைகள் சம்பந்தமான நடைமுறைகள் பற்றி அரச ஊழியர்களுக்கான பயிற்சிகள் இன்று புதன்கிழமை (23) மட்டக்களப்பு பொதுநூலக கேட்போர் கூடத்தில் நடைபெற்றது.

கிழக்கு மாகாண முகாமைத்துவ பயிற்சிப் பிரிவினால் நடத்தப்பட்ட இப்பயிற்சி கடந்த திங்கட்கிழமை (21) ஆரம்பிக்கப்பட்டு கடந்த மூன்று நாட்களாக நடைபெற்று வருவதாக இணைப்பு அதிகாரி என்.சிவசெல்வம் தெரிவித்தார்.

கிழக்கு மாகாண சபையின் கீழ் உள்ள அபிவிருத்தி உத்தியோகத்தர்கள், முகாமைத்துவ உதவியாளர்கள் என 66 பேர் பங்கேற்றுள்ளதாக அவர் மேலும் தெரிவித்தார்.

மாகாண திறைசேரியின் பிரதம கணக்காளர் என்.ரமேஸ், நீர்ப்பாசன பிரதிப் பணிப்பாளர், திருகோணமலை வி.இராஜகோபாலசிங்கம்,மாகாண நீர்ப்பாசனத் திணைக்களத்தின் பிரதம கணக்காளர் கெ.லிங்கேஸ்வரன் ஆகியோர் பயிற்சிகளை வழங்கினர்.