அல் அக்ஷா வித்தியாலய பழைய மாணவர்களின் நடைபவனி

ஆரையம்பதி, காங்கேயனோடை பிரதேசத்தில் கல்வி எழுச்சியை ஏற்படுத்துவதற்காக காங்கேயனோடை அல் அக்ஷா மகா வித்தியாலய பழைய மாணவர்களின் நடைபவனி, எதிர்வரும் 24ஆம் திகதி வெள்ளிக்கிழமை நடைபெறவுள்ளது.

இப்பாடசாலையில், கல்விகற்ற அனைத்து பழைய மாணவர்களையும் ஒன்று சேர்ப்பதுடன், காங்கேயனோடை அல் அக்ஷா மகா வித்தியாலயத்தின் கல்வி மேம்பாட்டையும் பௌதீக தேவையும் கருத்திற்கொண்டு, இந்த நடைபவனியை நடத்தவுள்ளதாக, இப்பாடசாலையின் பழைய மாணவர் சங்கத்தின் தலைவரும் பாடசாலை அதிபருமான எம்.ஐ.எம்.அப்பாஸ் நழீமி தெரிவித்தார்.

இது தொடர்பாக, விளக்கமளிக்கும் ஊடகவியலாளர் சந்திப்பு, காங்கேயனோடை அல் அக்ஷா மகா வித்தியாலய கேட்போர் கூடத்தில், நேற்று (15) மாலை நடைபெற்றது.

இதன்போது, நடைபவனிக்கான டி-சேர்ட் அறிமுகம் செய்யப்பட்டுள்ளதுடன், நடைபவனி தினத்தன்று, பரிசளிப்பு வைபவம், பழைய மாணவர்களின் மாணவர் மன்றம் என்பனவும் நடைபெறவுள்ளதாகவும் தெரிவித்தார்.