ஏறாவூர் நகர சபைக்கு விருது

அதி சிறந்த கணக்கீட்டு முகாமைத்துவத்தை மேற்கொண்டமைக்கான விருது, மட்டக்களப்பு மாவட்டத்தில் ஏறாவூர் நகர சபைக்குக்  கிடைத்துள்ளது.

2015ஆம் ஆண்டுக்கான கணக்குச் சோதனையின் போது, அதிசிறந்த கணக்கீட்டு முகாமைத்துவத்தை மேற்கொண்டமைக்காக, அரச பொறுப்பு முயற்சிகள் பற்றிய நாடாளுமன்றக்குழு (கோப் ), இந்த விருதை, ஏறாவூர்  நகர சபைக்கு வழங்கியுள்ளது.

ஜனாதிபதி மைத்திரி பாலசிறிசேன தலைமையில் நாடாளுமன்றத்தில் நேற்று (13) நடைபெற்ற விசேட விருது வழங்கும் விழாவின் போது, நகர சபை சார்பாக செயலாளர் எம்.எச்.எம்.ஹமீம், பிரதமர் ரணில் விக்கிரமசிங்கவிடமிருந்து அவ்விருதைப் பெற்றுக்கொண்டார்.