கலாசார விழிப்புணர்வை வலியுறுத்தி ஆர்ப்பாட்டம்

-ஏ.எச்.ஏ.ஹுஸைன்,எம்.எஸ்.எம்.நூர்தீன்

கலாசார விழிப்புணர்வை வலியுறுத்தி நாளை வெள்ளிக்கிழமை கிழக்கு மாகாணம் தழுவிய கண்டன ஆர்ப்பாட்டத்துக்கு அழைப்பு விடுக்கும் சுவரொட்டிகள் மட்டக்களப்பு மாவட்டத்தில் பரவலாக ஒட்டப்பட்டுள்ளன.

இன்று வியாழக்கிழமை அதிகாலை ஒட்டப்பட்டுள்ள அந்த சுவரொட்டிகளில் தெரிவிக்கப்பட்டுள்ளதாவது, 'இளைஞர்களே, விசுவாசிகளே விழுத்தெழுங்கள், கலாசார சீரழிவு உள்ளிட்டவற்றுக்கான விழிப்புணர்வை வலியுறுத்தி நாளை வெள்ளிக்கிழமை ஜும்மாத் தொழுகையைத் தொடர்ந்து இடம்பெறும் இந்த ஆர்ப்பாட்டத்தில் அணி திரளுங்கள் என்று கேட்டுக்கொள்ளப்பட்டுள்ளது.

'நாம் விசுவாசிகள்' (ஈமான்தாரிகள்) என்ற அமைப்பு இந்தக் கண்டன ஆர்ப்பாட்டத்துக்கு அழைப்பு விடுத்துள்ளது.