கிராம சேவகர்களுக்கான செயலமர்வு

மட்டக்களப்பு காத்தான்குடியில், தொகை மதிப்பு புள்ளிவிவரத் திணைக்களத்தால், 2021ஆம் ஆண்டுக்கான தொகைமதிப்பு, வீட்டுவசதி மதிப்பீடு தொடர்பாக, கிராம அலுவலர் பிரிவுகள் தோறும் வரைபடங்களின் உண்மைத்தன்மையைப் பரீட்சித்தல் மற்றும் தொகை மதிப்புக்கண்டங்களை வேறுபடுத்துவதற்கான அறிவுறுத்தல் செயலமர்வொன்று, காத்தான்குடி பிரதேச செயலகத்தில், இன்று (13) இடம்பெற்றது.  

காத்தான்குடி பிரதேச செயலகப்பிரிவிலுள்ள கிராம உத்தியோகத்தர்களுக்கு இச் செயலமர்வு இடம்பெற்றிருந்தது.   

இதில், காத்தான்குடி பிரதேச செயலக புள்ளிவிவரவியல் உத்தியோகத்தர் நவரட்ணம் நவனீதன், 2021ஆம் ஆண்டுக்கான தொகைமதிப்பு மற்றும் வீட்டு வசதி மதிப்பீடு தொடர்பாக, கிராம அலுவலர் பிரிவுகள் தோறும் வரைபடங்களின் உண்மைத்தன்மையைப் பரீட்சித்தல், தொகை மதிப்புக்கண்டங்களை வேறுபடுத்துவதற்கான அறிவுறுத்தல் விரிவுரையை நிகழ்த்தினார்.