ஜனாதிபதியின் வெற்றிக்கு வடக்கு கிழக்கு மக்களின் பங்கே அதிகம்

-எஸ்.சபேசன்

'கடந்த ஜனாதிபதித் தேர்தலில் வடக்கு கிழக்கு மக்கள் ஒற்றுமையாக நின்று வாக்களித்ததால்தான்; முன்னாள் ஜனாதிபதி தோற்கடிக்கப்பட்டு ஜனாதிபதி மையித்திரிபால சிறிசேன தெரிவுசெய்யப்பட்டார். இந்த வெற்றிக்கு வடக்கு கிழக்கு மக்களின் பங்கே அதிகம்'; என முன்னாள் பிரதி அமைச்சர் சோ.கணேசமூர்த்தி தெரிவித்தார்.

துறைநீலவணை  மக்களை  வியாழக்கிழமை சந்தித்தபோதே அவர் இதனை கூறினார்.

இங்கு தொடரந்;தும் உரையாற்றிய அவர்,

'சகல அரசியல் கட்சிகளும் கடந்த ஜனாதிபதித் தேர்தலில் மைத்திரிபால சிறிசேன ஜனாதிபதிக்கு வாக்களிப்பதற்கு முன்னர் நிபந்தனையுடன் தங்களின் ஆதரவைத் தெரிவித்திருந்தனர். ஆனால் தமிழ்த் தேசியக் கூட்டமைப்பு நிபந்தனையற்ற ஆதரவு வழங்குவதாக தலைவர் சம்மந்தன்  தெரிவித்திருந்தார.; இன்று வடக்கில் தமிழ் மக்களின் காணிகள் முழுமையாக விடுவிக்கப்படாமல் உள்ளது.

பல்வேறு வேலைத்திட்டங்களை முன்னெடுப்பதற்கு மக்கள் ஒற்றுமையாக இருக்கவேண்டும். அதாவது என்னோடு தோளோடு தோள்நின்று உழகை;கவேண்டும். துறைநீலாவணைக் கிராமத்துக்கு  உரிய நேரத்தில் தண்ணீர் கிடைப்பதில்லை என  பலர் என்னிடம் தெரிவிக்கின்றனர்.

இக்கிராமத்துக்கு 24 மணித்தியாலமும் நீரை பெற்றுகொடுப்பதற்கான வசதிகளை வெகுவிரைவில் ஏற்படுத்தி தருவேன்' என்றார்.