மட்டு. மாநகர சபைக்கு புதிய ஆணையாளர்

-எஸ்.பாக்கியநாதன்

மட்டக்களப்பு மாநகர சபையின் புதிய ஆணையாளராக வி.தவராஜா நியமிக்கப்பட்ட நிலையில், அவர் தனது கடமையை நேற்று (23) பொறுப்பேற்றுள்ளார்.

இம்மாநகர சபை ஆணையாளராக ஏற்கெனவே இருந்த எம்.உதயகுமார், மலைநாட்டு புதிய கிராமங்கள், உட்கட்டமைப்பு மற்றும் சமூக அபிவிருத்தி அமைச்சின் செயலாளராக பதவி பெற்றுச் சென்றுள்ளார்.

இந்நிலையில், மட்டக்களப்பு மாநகர சபையில் ஏற்பட்ட வெற்றிடத்துக்கே புதிய ஆணையாளராக வி.தவராஜா நியமிக்கப்பட்டுள்ளார்.