முகக்கவசம் அணியாத 18 வர்த்தகர்கள் கைது

ரீ.எல்.ஜவ்பர்கான்

முகக்கவசம் அணியாது வர்த்தக நிலையங்களில் வர்த்தக நடவடிக்கைகளில் ஈடுபட்ட 18 வர்த்தகர்கள், காத்தான்குடியில் நேற்றிரவு கைது செய்யப்பட்டதாக காத்தான்குடி பொலிஸ் நிலையப் பொறுப்பதிகாரி துமிந்த நயணசிறி தெரிவித்தார்.

நேற்றிரவு 8 மணியளவில், குருக்கள்மடம் இராணுவத்தினருடன் இணைந்து காத்தான்குடி பொலிஸார் மேற்கொண்ட சுற்றிவளைப்பின்போது, முகக்கவசம் அணியாது மற்றும் முகக்கவசங்களை சரியான முறையில் அணியாது வர்த்தக நடவடிக்கையில் ஈடுபட்ட18 வர்த்தகர்கள் இவ்வாறு கைது செய்யப்பட்டனர்.

இந்த சுற்றிவளைப்பு நடவடிக்கையில் இராணுவத்தினர், பொலிஸாரும் சுகாதாரத்துறை அதிகாரிகளும் ஈடுபட்டிருந்தனர்.