வலப்பனை தியனில்ல தோட்டத்தில் மண்சரிவு; இராகலை சிங்கள மகாவித்தியாலயத்தில் 276 பேர் தங்கவைப்பு

(எஸ்.சுவர்ணஸ்ரீ)

நுவரெலியா மாவட்டம் வலப்பனை பிரதேச செயலாளர் பிரிவில் சுமார் 20 ஏக்கர் விஸ்தீரமான நிலப்பகுதியில் ஏற்பட்ட   பாரியளவிலான மண்சரிவு காரணமாக 87 குடும்பங்களைச் சேர்ந்த 276 பேர்; இராகலை சிங்கள மகாவித்தியாலயத்தில் தங்கவைக்கப்பட்டுள்ளனர்.

வலப்பனை தியனில்ல தோட்டம் மற்றும் கிராமப்பகுதிகளில் இந்த மண்சரிவு ஏற்பட்டுள்ளது.

இராகலை சிங்கள மகாவித்தியாலயத்தில் தங்கவைக்கப்பட்டுள்ள மக்களுக்கான தற்காலிக உதவிகளை செய்வதற்கு மக்கள் பிரதிநிதிகள் ஏற்பாடுகளை மேற்கொண்டுள்ளனர்.