மண்சரிவால் 4 மாடி வீடு சேதம்

(மொஹொமட் ஆஸிக்)

கண்டி, அனிவத்த பிரதேசத்தில் நான்கு மாடிகளைக் கொண்ட அதிநவீன சொகுசு வீடொன்று மண்சரிவில் அகப்பட்டு சேதமடைந்துள்ளது.

இந்த சம்பவம் நேற்று திங்கட்கிழமை அதிகாலை இடம்பெற்றது.

கண்டியை சேர்ந்த பிரபல வர்த்தகர் ஒருவருக்கு சொந்தமான இச்சொகுசு வீடு மண்சரிவில் அகப்பட்டு சேதமடைந்ததுடன், அவ்வீட்டின் முன் நிறுத்திவைக்கப்பட்டிருந்த  சொகுசு வாகனம் இரண்டும் மண்சரிவில் அகப்பட்டு பள்ளத்தில் வீழ்ந்துள்ளது.

இவ்வீட்டில் நேற்றுமுன்தினம் வெடிப்பொன்றை அவதானித்த பொறியியலாளர் ஒருவர், வீட்டில் குடியிருந்தவர்களை உடன் அகற்றிவுள்ளார்.