112 கி.கி மாட்டிறைச்சி கைப்பற்றல் : முச்சக்கர வண்டியுடன் இருவர் கைது

-மொஹொமட் ஆஸிக்

அனுமதிபத்திரமின்றி 112 கிலோகிராம் மாட்டிறைச்சியை, முச்சக்கர வண்டியொன்றில் கொண்டு சென்ற இருவரை அலவத்துகொடை பொலிஸார் இன்று(21) கைதுசெய்துள்ளதுடன், முச்சக்கர வண்டியையும் கைப்பற்றியுள்ளனர்.

பொலிஸாருக்கு கிடைக்கப்பெற்ற தகவலை தொடர்ந்து, மாத்தளை வரக்காபொலயிலிருந்து அக்குறணைக்கு பயணித்த முச்சக்கர வண்டியை சோதனையிட்ட பொலிஸார், மாட்டிறைச்சியை கைப்பற்றியுள்ளனர்.

கைதான இருவரிடமும், இறைச்சியை கொண்டு செல்வதற்கான  அனுமதிபத்திரம் மற்றும் சுகாதார பரிசோதகரின் அனுமதி பத்திரம் என்பன இருக்கவில்லை என பொலிஸார் தெரிவித்தனர்.