'குறைகளை விரைவில் நிவர்த்திப்பேன்'

-எஸ்.சுஜிதா

வட்டவளை பெருந்தோட்ட கம்பனிக்குட்பட்ட வோல்ட்ரீம் தோட்ட வைத்தியசாலை குறைபாடுகளுடனேயே இயங்கி வருவதாக தெரிவிக்கப்படுகிறது. இதனை உடனடியாக நிவர்த்தி செய்து தருவதாக மத்திய மாகாண சபை உறுப்பினர் ஏ.பி.சக்திவேல் தெரிவித்தார்.

மேலும் தோட்ட வைத்தியசாலைகளில் பணியாற்ற கல்வி சுற்ற மலையக யுவதிகள் முன்வருவதில்லை. காரணம் 3 வருடங்கள் பயிற்சியின் பின்பே சேவையில் நிரந்தரமாக்கப்படுவர் என்பதனாலேயே இவ்வாய்ப்பை பெரும்பான்மை இனத்தவர்கள் தட்டிச் செல்கின்றனர். இதனாலேயே மொழி பிரச்சினை ஏற்படக் காரணம்.

இருப்பினும் இன்னும் ஒரு சில தினங்களில் நுவரெலியாவுக்கு வரவிருக்கும் மத்திய மாகாண சுகாதார பணிப்பாளரின் கவனத்துக்கு குறித்த பிரச்சினைகளை நேரடியாக முன்வைப்பதனூடாக  நிரந்தர தீர்வொன்றை பெற்று தர முடியும் என்று அவர் மேலும் கூறினார்.

மெராயா, கெளலினா டிவிசன்களை சேர்ந்த கர்ப்பினிப் பெண்கள் ஹென்போல்ட் வைத்தியசாலையில் சிகிச்சைகளைப் பெறுவதற்கான நடவடிக்கைகளை எடுப்பதாகவும் அவர் கூறினார்.