உனம்புவ பகுதியில் மண்சரிவு; போக்குவரத்து பாதிப்பு

(எம்.எம்.எம். ரம்ஸீன்)

கம்பளையில் பெய்த கடும் மழையால் உனம்புவ பகுதியில் ஏற்பட்ட மண்சரிவின்போது பாறாங்கல்லொன்று உருண்டு வந்து பாதையில் விழுந்ததில் அப்பகுதியூடான போக்குவரத்தில் பாதிப்பேற்பட்டுள்ளது.

மண்சரிவால் சக்கரங்கொடுவ, உனம்புவ, அம்புளுவாவ, கம்பளைவெல , கண்டி வீதி ஆகிய பகுதிகளிலுள்ள 150 குடும்பங்கள் பாதிக்கப்பட்டுள்ளன. அத்துடன், கண்டி வீதியில் பெற்றோல் நிரப்பு நிலையத்திற்கு அருகிலுள்ள குடிசை வீடுகள் வெள்ளத்தில் அடித்துச் செல்லப்பட்டுள்ளன.

இக்குடும்பங்களை கம்பளை – உடபலாத்த பிரதேச செயலாளர் நிமல் பாலசூரிய மற்றும் அனர்த்த நிவாரண அதிகாரிகள்  சென்று பார்வையிட்டனர்.