டயகமவில் வெள்ளம்; பல பகுதிகள் பாதிப்பு

(எஸ்.தியாகு)

தொடர்ந்து பெய்து வரும் அடைமழையால் லிந்துலை டயகம பிரதேசத்தின் பல பகுதிகள் வெள்ளநீரீல் மூழ்கியுள்ளன.

டயகம கிராமிய வைத்தியசாலை,  டயகம மேற்கு தோட்டத்தின் 3, 4 ஆம் பிரிவுகள் அனைத்தும் வெள்ளத்தால் மூழ்கியுள்ளன.

இதேவேளை டயகம மேற்கு இலக்கம் இரண்டு தமிழ் வித்தியாலயத்திலும் வெள்ள நீர் புகுந்துள்ளதால் மாணவர்களின் கற்றல் நடவடிக்கைகள் பாதிக்கப்பட்டுள்ளன.

டயகம லிந்துலை பிரதான பாதையின் 18 , 20 ஆவது மைல் கல்லில் மண்சரிவு ஏற்பட்டுள்ளதோடு 19 ஆவது மைல் கல்லில் பாதை முழுமையாக பாதிக்கப்பட்டு போக்குவரத்தும் தடைப்பட்டுள்ளது.