பிரதியமைச்சர் காதருக்கு கம்பளை நகரில் வரவேற்பு

(எம்எம்.எம்.ரம்ஸீன்)

சுற்றாடற்துறை பிரதியமைச்சர் ஏ.ஆர்.எம்.அப்துல் காதருக்கு இன்று ஞாயிற்றுக்கிழமை கம்பளை நகரில் பொதுமக்களால் வரவேற்பளிக்கப்பட்டது.

கம்பளை நகரில் மணிக்கூட்டு கோபுர சந்தியில் பிரதியமைச்சர் பொதுமக்களால் வரவேற்கப்பட்டார்.

இதனைத் தொடர்ந்து கம்பளை அம்பகமுவ வீதியில் அமைந்துள்ள பிரதியமைச்சரின் இல்லத்தில் பிரதியமைச்சர் ஏ.ஆர். எம்.அப்துல் காதர் ஊடகங்களுக்கு கருத்து தெரிவித்தார்.

ஐக்கிய தேசிய கட்சியினர் நாட்டின் நன்மை கருதி அரசாங்கத்திற்கு ஆதரவு வழங்குவதுடன் ஜனாதிபதியின் கரங்களை பலப்படுத்த வேண்டும்.

எதிர்வரும் உள்ளுராட்சித் தேர்தலில் அரசாங்கம் சகல உள்ளுராட்சி மன்றங்களையும் கைப்பற்றும்.  
நான் ஐக்கிய தேசிய கட்சியில் இருந்தாலும் ஆளும் அரசாங்கத்துடன் இருந்தாலும் மக்கள் என்னுடன் உள்ளனர் என்பதை இங்கு குழுமியிருக்கும் மக்கள் கூட்டம் தெளிவாகக் காட்டுகின்றது என்றார்.