குறைந்த விடுமுறை பெற்ற ஆசிரியர்களை கௌரவிக்கும் விழா

(எம்.எம்.எம். ரம்ஸீன்)

கம்பளை வலய தமிழ் மொழி மூல பாடசாலைகளில் கடமையாற்றும் ஆசிரியர்களில் 2009ஆம் ஆண்டு குறைந்த விடுமுறை பெற்ற ஆசிரியர்களை கௌரவிக்கும் விழா இன்று திங்கட்கிழமை கம்பளை இந்து கல்லூரியில் நடைபெற்றது.

கோட்ட கல்வி பணிப்பாளர் எஸ்.துரைராஜ் தலைமையில் நடைபெற்ற இவ்விழாவில் கம்பளை வலயத்தை சேர்ந்த 25 ஆசிரியர்கள் கௌரவிக்கப்பட்டனர்.

இந்நிகழ்வில் மத்திய மாகாண மேலதி கல்வி பணிப்பாள பி. சதீஸ், மாகாண தமிழ் கல்வி அமைச்சின் உதவிச் செயலாளர் அருந்ததி சத்யேந்திரா, கம்பளை வலய கல்வி பணிப்பாளர் திருமதி டபிள்யு.எம்.சி.வீரகோன், கம்பளை வலய மேலதிக பிரதி கல்விப் பணிப்பாளர் திருமதி எம். லோகநாதன் ஆகியோர் அதிதிகளாகக் கலந்து கொண்டனர்.