மின்சாரப் பொறியில் சிக்குண்டு மாணவன் பலி

 (எம்.எப்.எம்.தாஹிர்)

வனவிலங்குகளை வேட்டையாடுவதற்காக வைக்கப்பட்ட மின்சாரப் பொறியொன்றில் சிக்குண்ட பாடசாலை மாணவன் ஒருவன் ஸ்தலத்திலேயே பலியாகியுள்ளதாக வெலிமடை பொலிஸார் தெரிவித்தனர்.  

இந்த சம்பவம் நேற்று செவ்வாய்க்கிழமை மாலை அமுனுமுல்ல, தெளிபெத்த, வெலிமடை என்ற பகுதியில் இடம்பெற்றுள்ளது.

அமுனுமுல்ல, தெளிபெத்த வெலிமடையை வசிப்பிடமாகக் கொண்;ட  சன்ஜீவ குமார (வயது 12) என்ற மாணவனே இவ்வாறு உயிரிழந்தவர் ஆவார்.

குறித்த மாணவன்; தனது வீட்டுத் தோட்டத்தினூடாக சென்றுகொண்டிருந்த வேளையில்,  இனந்தெரியாதோரினால் இணைக்கப்பட்டிருந்த மின்சார பொறிக்கு சிக்குண்டு பலியானார்.

இச் சம்பவம் தொடர்பில் வெலிமடை பொலிஸார் விசாரணைகளை மேற்கொண்டு வருகின்றனர்.