மலையக அமைச்சரின் வாகன தொடரணி மோதி ஒருவர் படுகாயம்

நுவரெலியா மாவட்ட அமைச்சர் ஒருவர் பயணித்த வாகன தொடரணி விபத்துக்குள்ளானமையால் பெண்ணொருவர் ஆபத்தான நிலையில் வைத்தியசாலையில் அனுமதிக்கப்பட்டுள்ளார்.

நுவரெலியாவிலிருந்து ஹட்டன் நோக்கி வந்த இந்த வாகன தொடரணியில் முன்னால் சென்ற ஜீப் வண்டி ஒன்று தலவாக்கலை நகர மத்தியில் இன்று புதன்கிழமை மாலை பெண்ணொருவர் மீது மோதியுள்ளது.

இதன்போது படுகாயமடைந்த பெண் லிந்துலை மாவட்ட வைத்தியசாலையில் அனுமதிக்கப்பட்டு பின்னர் மேலதிக சிகிச்சைகளுக்காக நுவரெலியா வைத்தியசாலையில் அனுமதிக்கப்பட்டுள்ளார்.