உதாகம மாதிரிக் கிராமத்தில் வீடுகள் கீழிறங்கும் அபாயம்

(மொஹொமட் ஆஸிக்)

கண்டி, தெல்தோட்டைப் பிரதேச செயலகப் பிரிவைச் சேர்ந்த உதாகம மாதிரிக் கிராமத்திலுள்ள பல வீடுகள் கீழிறங்கும் அபாயத்தை எதிர்நோக்கியுள்ளதாக பிரதேச செயலகம் தெரிவித்தது.

பல வீடுகளில் வெடிப்பு எற்பட்டுள்ளதாகவும் தெரிவிக்கப்படுகிறது.

உதாகம கிராமத்தில் ஒரு வீடு தற்போது புதையுண்டுள்ளதுடன், இரு வீடுகளில் பாரிய வெடிப்பு ஏற்பட்டுள்ளதாகவும் பிரதேச செயலாளர் எஸ்.குணவர்தனா  தெரிவித்தார். இது தவிர, பல்லேகம பகுதியில் சிறிய வெடிப்பு காரணமாக பாதை உடைந்திருப்பதாகவும் கந்தேகம, கீரமண்யாய போன்ற இடங்களிலும் சிறிய மண்சரிவு ஏற்பட்டுள்ளதாகவும் அவர் தெரிவித்தார்.