3 நாள்களின் பின்னர் எரிபொருள் விநியோகம்

சுமணசிறி குணதிலக

அத்தியாவசிய தேவைக்காக  ஒதுக்கப்பட்டிருந்த ஒரு தொகை பெற்றோல், பொலிஸாரால் பொதுமக்களுக்கு விநியோகிக்கப்பட்டுள்ளது.

பிபிலை- மெதகம சிபெட்கோ எரிபொருள் நிலையத்தில், நேற்றைய தினம் எரிபொருளை பெற்றுக்கொள்ள வந்தவர்களால் எதிர்ப்பு நடவடிக்கை ஒன்று முன்னெடுக்கப்பட்டது.

இதன்போது பொலிஸார் தலையிட்டு, குறித்த எரிபொருள் நிலையத்தில் அத்தியாவசிய தேவைக்காக ஒதுக்கப்பட்டிருந்த பெற்றோலை, தலா 500 ரூபாய்க்கு பகிர்ந்தளித்துள்ளனர்.

குறித்த எரிபொருள் நிரப்பு நிலையத்தில் 3 நாள்களாக எரிபொருளைப் பெற்றுக்கொள்ள மக்கள் வரிசைகளில் காத்திருந்த நிலையிலேயே, பொலிஸார் இந்த நடவடிக்கையை முன்னெடுத்திருந்தனர்.