அதிகாரிகள் மீது கல்வீச்சு

சிவாணிஸ்ரீ

காவத்தை எத்தல பிரதான வீதி, பாலத்துக்கு அருகில் சட்டவிரோதமாக முன்னெடுக்கப்பட்டுவந்த மாணிக்கக்கல் அகழ்வை தடுக்கச் சென்ற காவத்தை பிரதேச செயலகத்தின் அதிகாரிகள் மீது, விசமிகள் கல்வீச்சுத் தாக்குதலை மேற்கொண்டுள்ளனர். 

இதில் எவருக்கும் காயங்கள் ஏற்படவில்லை எனத் தெரிவிக்கப்படுகிறது. 

இது தொடர்பில் பொலிஸாருக்குத் தெரிவிக்கப்பட்டதையடுத்து, சம்பவ இடத்துக்கு விரைந்த பொலிஸார், மாணிக்கக்கல் அகழ்வுக்காகப் பயன்படுத்திய பொருள்களைக் கைப்பற்றியுள்ளதுடன் சம்பந்தப்பட்டவர்களைக் கைதுசெய்வதற்கான நடவடிக்கையில் ஈடுபட்டு வருகின்றனர்.