அனுமதிப்பத்திரம் இன்றி முச்சக்கரவண்டி செலுத்தி பிக்குவுக்கு அபராதம்

எம். செல்வராஜா

அனுமதிப்பத்திரம் இன்றி முச்சக்கரவண்டியை செலுத்திச் சென்ற பிக்கு ஒருவருக்கு 3000 ரூபாய் அபராதம் விதித்து, பதுளை நீதவான் நீதிமன்ற நீதிபதி நேற்று வெள்ளிக்கிழமை (24) உத்தரவிட்டார்.

பதுளைப் பகுதியின் ரில்பொல விகாரையின் பிக்குவுக்கே இவ்வாறு அபராதம் விதிக்கப்பட்டுள்ளது.

பதுளை - ஸ்பிரிங்வெளி பகுதியில் முச்சக்கரவண்டியொன்றும் காரொன்றும் மோதி விபத்துக்குள்ளான சம்பவம் குறித்தான விசாரணையின் போது, முச்சக்கரவண்டியை செலுத்திச் சென்ற பிக்கு அனுமதிப்பத்திரம் இல்லாமல் செலுத்திச் சென்றமை தெரியவந்துள்ளது.

இதனையடுத்து அவர் பதுளை நீதவான் நீதிமன்ற நீதிபதி முன்னிலையில ஆஜர் படுத்தப்பட்ட போது, அவருக்கு அபராதம் விதித்து நீதவான் தீர்ப்பளித்தார்.