அனுமதியற்ற கடைகள் அப்புறப்படுத்தப்பட்டன

சேஹ்ன் செனவிரத்ன

கட்டுகஸ்தோட்டை பொலிஸாரும் கண்டி மாநகர சபை அதிகாரிகளும் இணைந்து, கட்டுகஸ்தோட்டை நகரில் உள்ள அனுமதியற்ற நடைபாதை கடைகளை அகற்ற நடவடிக்கை எடுத்துள்ளனர்.

இன்று (05) காலை ஏறக்குறைய நூற்றுக்கும் மேற்பட்ட நடைபாதைக் கடைகள் அகற்றப்பட்டன.

நடைபாதை கடைகளினால் பொதுமக்கள் எதிர்நோக்கும் பல்வேறு அசௌகரியங்கள் தொடர்பில்  கிடைத்த பல்வேறு முறைப்பாடுகளை கருத்திற் கொண்டு, கண்டி மாநகர சபை மற்றும் கட்டுகஸ்தோட்டை பொலிஸாரும் நடவடிக்கை எடுத்திருந்தனர்.

குறித்த கடைகளை அப்புறப்படுத்த, நடைபாதை வியாபாரிகளுக்கு இரண்டு வார கால அவகாசம் வழங்கப்பட்டிருந்த நிலையில், அந்த கால அவகாசம் நேற்றுடன் முடிவடைந்ததையடுத்து, இன்று காலை கடைகளை அப்புறப்படுத்த  நடவடிக்கை எடுக்கப்பட்டது.