குப்பைகளை கொட்டாதீர்: ஏழ்காமம் மக்கள் எதிர்ப்பு

-மொஹொமட் ஆஸிக்

அக்குறணை பிரதேச சபையால் கொம்போஸ் உரம் தயாரிப்பதற்காக கொட்டப்படும் குப்பைகளால் தாம் சுகாதார பிரச்சினைகளை எதிர்கொண்டுள்ளதாகவும் இதனை உடனடியாக நிறுத்துவற்கு நடவடிக்கைகளை மேற்கொள்ளுமாறு கூறியும்   அலவத்துகொடை, ஏழ்காமம் மக்கள், இன்று  (29) ஆர்ப்பாட்டத்தில் ஈடுபட்டனர்.

இவ்வாறு குப்பைகள் கொட்டப்படுவதால் ஏழ்காமம் பகுதி முழுவதும் துர்நாற்றம் வீசுவதுடன் பல்வேறு சுகாதார பிரச்சினைகள் எழுந்துள்ளதாக ஆர்ப்பாட்டத்தில் ஈடுபட்டவர்கள் தெரிவித்தனர்.

இதுதொடர்பில் அக்குறணை பிரதேச சபையின் செயலாளர் பீ.எல்.ராஜபக்ஷவிடம் வினவியபோது, 'கொம்போஸ்ட் தயாரிக்கும் சாலைக்கு குப்பைகள் அதிகம் சேர்வதனால் இப்பிரச்சினை ஏற்பட்டுள்ளது. அதற்கு தீர்வாக இத்திட்டத்தை விருத்திசெய்யும் வேலைகள் தற்போது இடம்பெற்று வருகின்றது'  என்றார்.