குயில்வத்தை வீதி தாழிறங்கியது

சுதத் எச்.எம்.ஹேவா

கடந்த சில நாட்களாக மத்திய மலைநாட்டில் பெய்து வரும் கடும் மழை காரணமாக ஹட்டன் – கொழும்பு பிரதான வீதியின் குயில் வத்தை பகுதியிலுள்ள வீதியின் ஒருபகுதி தாழிறங்கியுள்ளது.

வீதியின் ஒருபகுதி தாழிங்கியுள்ள காரணத்தினால், மற்றைய பகுதியை போக்குவரத்துக்காக மட்டுப்படுத்த நடவடிக்கை எடுக்கப்பட்டுள்ளதாக ஹட்டன் பொலிஸ் நிலைய போக்குவரத்து பிரிவின் அதிகாரி ஒருவர் தெரிவித்தார்.

குறித்த வீதி மேலும் தாழிறங்கும் அபாயம் காணப்படுவதால் அந்தப் பகுதியூடாக  வாகனங்களை செலுத்தும் அனைத்து சாரதிகளையும் அவதானமாக இருக்குமாறு அந்த அதிகாரி மேலும் தெரிவித்தார்.