கொட்டகலை நகரத்தில் தீபாவளி ​சோதனை

ரஞ்சித் ராஜபக்‌ஷ

தீபாவளி பண்டிகையை முன்னிட்டு பொது ​சுகாதார பரிசோதகர்களால் கொட்டகலை நகரிலுள்ள வர்த்தக நிலையங்கள், உணவகங்கள் என்பன திடீர் சோதனைக்கு உட்படுத்தப்பட்டன.

இதன்போது 8 வர்த்தகர்களுக்கு எதிராக வழக்குத் தாக்கலும் செய்யப்பட்டுள்ளது.

நுகர்வோருக்கு தரமான பொருள்களைப் பெற்றுக்கொள்ளும் நோக்கில், கொட்டகலை பொதுசுகாதார பரிசோதகர்களால் நேற்று(19) இந்த சோதனை நடவடிக்கை முன்னெடுக்கப்பட்டது.

இதன்போது பாவனைக்கு உதவாத பல பொருள்கள் கைப்பற்றப்பட்டதுடன், அவற்றை அழிக்கும் நடவடிக்கை சுகாதார ​பரிசோதகர்களால் முன்னெடுக்கப்பட்டது.

  சில உணவகங்கள் அசுத்தமாக இருந்துள்ளமை கண்டுபிடிக்கப்பட்டதுடன், அவற்றை சுத்தம் செய்வதற்கு 14 நாட்கள் காலக்கெடு வழங்கப்பட்டுள்ளதாகவும் தெரிவிக்கப்படுகின்றது.