செவிப்புல உபகரணங்கள் வழங்கி வைப்பு

-மொஹொமட் ஆஸிக்

கண்டி, ரோட்டரிக் கழகத்தின் ஏற்பாட்டில் குறைந்த வருமானம் பெறும் குடும்பங்களிலிருந்து தெரிவு செய்யப்பட்டவர்களுக்கு, சுமார் 5 இலட்சம் ரூபாய் பெறுமதியான செவிப்புல உபகரணங்கள், நேற்று செவ்வாய்க்கிழமை (31) வழங்கப்பட்டுள்ளன. 

இதன்போது, 65 பேருக்கு உபகரணங்கள் கையளிக்கப்பட்டுள்ளன.

கண்டி, மல்வத்தை பிரிவெனா கட்டடத்தில்  இடம்பெற்ற இந்நிகழ்வில், மத்திய மாகாண முதலமைச்சர் சரத் ஏக்கநாயக்க,  கண்டி ரோட்டரிக் கழகத்தின் முன்னாள் தலைவர் ஜோன் பாஸ்கரன் ஆகியோர் கலந்துகொண்டு உபகரணங்களை பயனாளிகளுக்குக் கையளித்தனர்.