‘நோய்கள் பரவ விடமாட்டேன்’

நுவரெலியா  பிரதேசசபைக்கு உட்பட்ட பிரதேசங்களில்  நோய்கள் பரவலுக்கு இடங்கொடுக்கப் போவதில்லை என நுவரெலியா பிரதேச சபை தவிசாளர் வேலு யோகராஜ் தெரிவித்தார்.

அந்த வகையில், கொவிட் -19 உள்ளிட்ட டெங்கு, எலிக்காய்ச்சல் ஆகிய எந்தவொரு நோய்ப்பரவலுக்கும் இடம்கொடுக்கப் போவதில்லை என்று அவர் கூறினார்.

நுவரெலியா பிரதேச சபைக்குட்பட்ட மக்களின் சுகாதார நலத்திட்டங்கள் குறித்து, பிரதேச சபை அதிக கவனம் செலுத்தி வருவதாகவும் தற்போது ஏற்பட்டுள்ள வானிலை பிரச்சினை காரணமாக ஏற்பட்டுள்ள டெங்கு, எலிக்காய்ச்சல் ஆகிய நோய்கள் பரவாமல் இருப்பதற்கான நடவடிக்கைகள் முன்னெடுக்கப்பட்டு வருவதாகவும் அவர் மேலும் கூறினார்.

எனவே, நுவரெலியா பிரதேச சபையின் கட்டுப்பாட்டுக்குரிய 13 வட்டாரங்களைச் சேர்ந்த 36 கிராம சேவகர் பிரிவுகளிலுள்ள மக்கள், சுகாதார மேம்பாடுகளை முன்னெடுப்பதற்கு பூரண ஒத்துழைப்பு வழங்கவேண்டும் என அவர் கோரிக்கை விடுத்துள்ளார்.