பாலத்தை புனரமைத்து தருமாறு கோரி ஆர்ப்பாட்டம்

சிவாணி ஸ்ரீ

இறக்குவானை தேர்தல் தொகுதிக்குட்பட்ட ஓப்பநாயக்க தெல்கஸ்சந்தி தந்தெனிய பாலத்தை புனரமைத்து தருமாறு கோரி மக்கள் நேற்று (23) ஆர்ப்பாட்டத்தில் ஈடுபட்டனர்.

மேற்படி பாலத்தின்  ஊடாக நாளாந்தம் 8,000 க்கும் அதிகமான மக்கள் பயணிப்பதாகவும்  தற்போது பாலம் சேதமடைந்துள்ளதால், தமது நாளாந்த நடவடிக்கைகள் பாதிப்படைந்துள்ளதெனவும் ஆர்ப்பாட்டத்தில் ஈடுபட்ட மக்கள் இதன்போது தெரிவித்தனர்.

இந்த ஆர்ப்பாட்டத்தில் சுமார் 700க்கும் அதிகமான பொது மக்கள் கலந்துகொண்டனர்.