பதுளைக்கான எரிபொருள் விநியோகம் தாமதமாகலாம்

ராமு  தனராஜா

சிபெட்கோ  எரிபொருள் நிலையத்துக்குச் சொந்தமான எரிபொருள் பவுசர் ஒன்று,  பதுளை -பண்டாரவளை பிரதான வீதியின் உடகும்பல்வெல பகுதியில்  வீதியை விட்டு விலகி  விபத்துக்குள்ளாகியுள்ளது.

இன்று அதிகாலை இச்சம்பவம் இடம்பெற்றுள்ளது.

கொழும்பில் இருந்து பதுளைக்கு எரிபொருளை ஏற்றிச் சென்ற போதே, இந்த விபத்து நேர்ந்துள்ளது.

 இதனால் பதுளையில் உள்ள எரிபொருள் நிலையங்களுக்கு, எரிபொருள் கிடைப்பது மேலும் தாமதமாகலாம் என்றும் தெரிவிக்கப்பட்டுள்ளது.