பாடசாலை அபிவிருத்திச் சங்க பொதுக் கூட்டம்

ஏ.ஏ.எம்.பாயிஸ்

பலாங்கொடை இ/ ஜெயிலானி தேசிய பாடசாலையின் அபிவிருத்திச் சங்க பொதுக் கூட்டமும் நடப்பு வருடங்களுக்கான உறுப்பினர் தெரிவும், ஒக்டோபர் முதலாம் திகதி நடைபெறவுள்ளதாக, பாடசாலையின் அதிபர் ஏ.எம்.எம்.றிசாத் தெரிவித்துள்ளார்.

இந்தக் கூட்டத்தின் போது, எதிர்வரும் கல்வி வருடங்களுக்கான உறுப்பினர்கள் தெரிவு செய்யப்படுவதுடன் இவர்கள் எதிர்கால பாடசாலை அபிவிருத்தி நடவடிக்கைகளில் பாடசாலை நிர்வாகத்துடன் இணைந்துத் தொழிற்பட வழிகாட்டப்படுவர் எனவும் அதிபர் தெரிவித்துள்ளார்.

இப்பாடசாலையின் பழைய மாணவர் சங்கத்தின் பொதுக்கூட்டம், கடந்த மாதம் நடைபெற்று அதற்கான உறுப்பினர்கள் தெரிவுசெய்யப்பட்டு தொழிற்பட்டு வருவதாகவும் அவர் தெரிவித்துள்ளார்.