புதையல் தோண்டிய 8 பேர் கைது

மாத்தளை, பல்லேபொல, மாதிபொல பகுதியில் புதையல் தோண்டிய  08 பேர் கைது செய்யப்பட்டுள்ளனர். 

சந்தேக நபர்களின் ஏழு பேர் மாதிபொல பகுதியில் வைத்து  கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்ட சந்தேக நபர்கள் மில்லவான, தம்மின்ன, மாதிபொல, தெஹியத்தகண்டிய, வெலிகந்த போன்ற பகுதிகளைச் சேர்ந்தவர்கள் என தெரிவிக்கப்படுகிறது.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.