பெண்ணின் சடலம் மீட்பு

பாலித ஆரியவன்ச

பசறை, கனவருல்லவிலுள்ள பாழடைந்த மலசலகூடத்திலிருந்து, அதே பிரதேசத்தைச் சேர்ந்த வனசிங்க முதியன்சலாகே தயாவதி (வயது 56) என்ற பெண்ணின் சடலத்தை, பொலிஸார் சனிக்கிழமை மீட்டுள்ளனர்.

மனநலம் பாதிக்கப்பட்ட மேற்படி பெண், கடந்த சில தினங்களுக்கு முன்னர் காணாமல் போயிருந்தாரென்றும், இது தொடர்பில் அவரது புகைப்படத்துடன் பொலிஸில் முறைப்பாடு பதிவு செய்திருந்ததாகவும் அப்பெண்ணின் உறவினர்கள் தெரிவித்துள்ளனர்.

இந்நிலையிலேயே, மேற்படி பெண்ணின் சடலத்தை பொலிஸார், சனிக்கிழமை மீட்டுள்ளனர்.

பிரதேச பரிசோதனைக்காக பசறை வைத்தியசாலையின் பிரேத அறையில் சடலம் வைக்கப்பட்டுள்ளதுடன், இது தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.