பொகவந்தலாவை சுகாதாரப் பிரிவில் மேலும் 17 பேருக்கு தொற்று

எஸ்.சதிஸ், எம்.கிருஸ்ணா

பொகவந்தலாவை பொது சுகாதார வைத்தியர் அதிகாரி காரியாலயத்துக்கு உட்பட்ட
பகுதிகளில், மேலும் 17 பேருக்கு கொரோனா வைரஸ் தொற்று உறுதிசெய்யப்பட்டுள்ளது.

பிலிங்கிபொனி பகுதியிலுள்ள தொழிற்சாலையொன்றில், கடந்த 29 ஆம் திகதி 180
பேருக்கு மேற்கொள்ளப்பட்ட பி.சி.ஆர் பரிசோதனையின்  இரண்டாம் தொகுதி அறிக்கை, நேற்ற(4) மாலை கிடைக்கப்பெற்றதில், மேலும் 14 பேருக்கு தொற்று உறுதிபடுத்தப்பட்டுள்ளது.

தனிமைப்படுத்தப்பட்ட பிரதேசமாக அறிவிக்கப்பட்டுள்ள இன்ஜஸ்ரி கிராம அலுவலர் பிரிவைச் சேர்ந்தவர்களே தொற்றாளர்களாக இனங்காணப்பட்டுள்ளனர்.

மேலும் பொகவந்தலாவை நகரிலுள்ள சிகையலங்கார நிலைய ஊழியர் ஒருவருக்கும் சாஞ்சிமலை மேல் பிரிவில் ஒருவருக்கும் நோர்வூட் சென்ஜோன் டிலரி சிறுவர் நிலைய சிறுவர் பராமரிப்பாளர்
ஒருவருக்கும் தொற்று உறுதிசெய்யப்பட்டுள்ளது.