பொறியில் சிக்கி சிறுத்தை குட்டி உயிரிழந்தது

ரஞ்சித் ராஜபக்ஸ

பொறியில் சிக்கி சிறுத்தைக் குட்டியொன்று உயிரிழந்த சம்பவம் நாவலப்பிட்டி பகுதியில் இன்று (25) பதிவாகியது என நுவரெலியா வனஜீவராசிகள் அலுவலக அதிகாரிகள் தெரிவிக்கின்றனர்.

நாவலப்பிட்டி- வெஸ்டோல் தோட்டத்தின் நிடலன்டிஸ் பிரிவிலேயே குறித்த சிறுத்தைக் குட்டி உயிரிழந்தது.

தேயிலைத் தோட்டத்திற்கு வரும் விலங்குகளுக்காக வைக்கப்பட்டிருந்த பொறியில் சிக்கியே குறித்த  2 வயதான சிறுத்தை உயிரிழந்துள்ளதாக அதிகாரிகள் தெரிவித்துள்ளனர்.

சிறுத்தை உயிரிழந்தமை தொடர்பில் நாவலப்பிட்டி நீதவான் நீதிமன்றுக்கு அறிக்கை சமர்ப்பிக்கப்பட்டு, அதன் உடற் கூறுகள் பரிசோதனைக்காக ரந்தெனிகல மிருக வைத்தியசாலையில் ஒப்படைக்கப்படவுள்ளதென தெரிவிக்கப்பட்டுள்ளது.