மூடப்பட்ட பிரிவிலிருந்து பல்கலைக்கழகங்களுக்கு மாணவர்கள் தெரிவு

மொஹொமட் ஆஸிக்

'ஆசிரியரின்மை காரணமாக,  ஹட்டன் கல்வி வலயத்துக்குட்பட்ட பாடசாலையொன்றின்  உயர்தர விஞ்ஞான பிரிவு, கடந்த பல வருடங்களாக இயங்காமலிருந்தது. இதனால், அப்பாடசாலையில் விஞ்ஞான பிரிவில் மாணவர்கள் கல்விப் பயிலவில்லை. ஆனால், மூடக்கப்பட்டிருக்கும் அந்தப் பிரிவிலிருந்து வருடா வருடம் பல்கலைக்கழகங்களுக்;கு மாணவர்கள் தெரிவாகின்றனர்;' என மத்திய மாகாண சபையின் பிரதித் தலைவர்ஆர்.எம்.எஸ். ரத்நாயக்க தெரிவித்தார்.

'இத்தகைய பாடசாலைகள், வெளிமாவட்ட மாணவர்;களது பெயர்களை பதிவுசெய்வதுடன்,  நுவரெலியா மாவட்டக் கோட்டாவில் பல்கலைக்கழகம் செல்வதற்கான வசதிகளையும் ஏற்படுத்தி கொடுக்கின்றனர். இத்தகைய செயற்பாடுகளினால் மலையக மாணவர்களின் உரிமைகள் மீறப்படுகின்றன' என அவர் சுட்டிக்காட்டினார்.