மதுபான போத்தல்களுடன் இருவர் கைது

பாலித ஆரியவன்ச

அனுமதிப்பத்திரமின்றி சிறியரக லொறியொன்றில் கொண்டுச் செல்லப்பட்ட 744 மதுபான போத்தல்களுடன் இருவரை, எல்ல மற்றும் ஹப்புத்தளை பொலிஸ் பிரிவுக்கு உட்பட்ட விசேட அதிரடிப்படை   அதிகாரிகள் சனிக்கிழமை கைதுசெய்துள்ளனர்.

பண்டாரவளையைச் சேர்ந்த இருவரே இதன்போது கைதுசெய்யப்பட்டுள்ளனர்.

கிடைக்கப்பெற்ற இரகிசயத் தகவலுக்கு அமைய, பண்டாரவளை-கிதல எல்ல வீதி வழியாக பயணித்த மேற்படி வாகனத்தை வழிமறித்து சோதனை செய்த அதிரடிப்படையினர், மேற்படி இருவரையும் கைதுசெய்துள்ளதுடன், மதுபான போத்தல்களையும் கைப்பற்றியுள்ளனர்.

சுமார் 2 இலட்சம் ரூபாய் பெறுமதியான மதுபானங்களே, இதன்போது கைப்பற்றப்பட்டுள்ளன. மேற்படி இருவரையும் நீதிமன்றில் ஆஜர்படுத்தவுள்ள பொலிஸார், மேலதிக விசாரணைகளையும் மேற்கொண்டு வருகின்றனர்.