மரை இறைச்சியுடன் மூவர் கைது: இருவர் தப்பியோட்டம்

எஸ்.கணேசன், காமினி பண்டார

சிவனொலிபாத மலை காட்டுப்பகுதியில் நடமாடித் திரிந்த மரையைக்; கொன்று, இறைச்சியக்கியக் குற்றச்சாட்டில் மூவரை பொலிஸார் கைதுசெய்துள்ளதுடன் அவர்களிடமிருந்து 30 கிலோ கிராம் இறைச்சியையும் கைப்பற்றியுள்ளனர்.

மஸ்கெலியா, காட்மோர் தோட்டத்தைச் சேர்ந்த மூவரே, ஞாயிற்றுக்கிழமை (14) கைதுசெய்யப்பட்டுள்ளனர். இச்சம்பவத்துடன் தொடர்புடைய மேலும் இருவர்  தப்பியோடியுள்ளதாகவும் அவர்களை கைதுசெய்வதற்கான நடவடிக்கைகளை மேற்கொண்டு வருவதாகவும் பொலிஸார் கூறினார்.

இதேவேளை, கைப்பற்றப்பட்ட இறைச்சியை, கால்நடை சுகாதார பிரிவில் வைத்திய பரிசோதனைக்காக ஒப்படைக்கப்படவுள்ளதாக மஸ்கெலியா பொலிஸார் மேலும் கூறினர்.